Koshk El Media

كشك الميديا

لاننا من الصعب في سوهاج نلاقي مكتبة او مكان نستعير منه كتب او نقرا فيه فكرنا اننا نعمل اول كافيه بوك ستور في سوهاج وبقالنا سنة تقريبا بنجهز لتحقيق الحلم ده والحمد لله قدرنا نحط رجلينا على اول الطريق بفضل تشجيعكم وتفاعلكم مع الكشك .. واللي مش بس اول كافيه بوك ستور لأ ده مركز ثقافي لانه بيقدم خدمات ثقافيه كتير مش بس نشاط متعلق بالكتب بنقدم ورش عمل لكتابه الشعر والقصة والرسم والموسيقى وتعليم الحرف اليدوية وللورش دي ندوات وحفلات كل فترة عشان تقدم اعمال اعضائها .. غير حفلات الغناء كل خميس وغير الاوبن مايك كل يوم اربعا و English Club كل ثلاثاء والامسيه الشعريه كل سبت وانشاطه رياضيه وكتيررررررررر من الحاجات الى بنعمله ومش هانعلق كبت مواهبنا على تقصير الدولة .. هانبتدي احنا بنفسنا .. ده غير نادي السينما اللي بيعرض ويناقش اهم الافلام .. ان شاء الله حلمنا يكبر بيكم ومعاكم ونقدر نخلي سوهاج حاجة تاني

احنا في كشك الميديا التصوير بالنسبه لينا متعه حقيقية .. بصوره بترسم ضحكه وبنشارك ذكرى حلوة .. مش بنحب نصور صور تقليديه زي اي ستوديو .. لان مفيش احسن من الصور الطبييعه اللي بتكون باينه فيها روح كل واحد وبصمته المختلفة عن غيره .. الضحكة بصمة .. الروح بصمة .. الصورة بصمة .. عشان كده احنا هانخلي الصور بالنسبة لكم .. ذكرى حلوة عايشة معاكم .. مش مجرد تابوه شبه غيره كتير